ரூட் கேனால் சிகிச்சை என்றால் என்ன?

சேதமடைந்த அல்லது நோயுற்ற பற்களை சரி செய்வதற்காக ஒரு சிறந்த பல் மருத்துவர் ரூட் கேனால் சிகிச்சையை பரிந்துரைப்பார்கள். இந்த ரூட் கேனால் சிகிச்சையை மருத்துவர் பரிந்துரைத்தால் அதற்காக நாம் கவலைப்பட தேவையில்லை. உலகளவில் எடுத்துக் கொண்டால் ஒவ்வொரு ஆண்டும் மில்லியன் கணக்கான பற்கள் ரூட் கேனால் முறையில் சிகிச்சையளிக்கப்பட்டு பாதுகாக்கப்படுகின்றன. இந்த சிகிச்சை முறையினால் நமக்கு வலி குறைந்து, பற்கள் மீண்டும் ஆரோக்கியமாகின்றன.

உங்கள் பல்லின் உள்ளே, வெள்ளை எனாமல் மற்றும் டென்டின் எனப்படும் கடினமான அடுக்கு இடையில் பல்ப் எனப்படும் மென்மையான திசு காணப்படுகிறது. இந்த திசு இரத்த நாளங்கள், நரம்புகள் மற்றும் இணைப்பு திசுக்களைக் கொண்டுள்ளதால், உங்கள் பல்லின் வளர்ச்சியை சீராக்க இந்த பல்ப் உதவுகிறது. முழுமையாக வளர்ந்த பல், பல்ப் இல்லாமல் நீடித்திருக்க முடியும், ஏனெனில் பற்களைச் சுற்றியுள்ள திசுக்கள், அது வளர்ச்சி பெற உதவுகிறது.

நவீன ரூட் கேனால் சிகிச்சை என்பது பழைய முறைகளைப் போல கடினமானது அல்ல. இது வழக்கமான பல் நிரப்புதலுடன் மிகவும் ஒத்திருக்கிறது. மேலும் உங்கள் பல்லின் நிலை மற்றும் உங்கள் தனிப்பட்ட சூழ்நிலைகளைப் பொறுத்து வழக்கமாக ஒன்று அல்லது இரண்டு மருத்துவ சந்திப்புகளில் எளிதாக செய்துவிட முடியும். ரூட் கேனால் சிகிச்சையைப் பெறுவது ஒப்பீட்டளவில் வலியற்றதாகவும் மற்றும் மிகவும் பயனுள்ளதாகவும் இருக்கும். எந்த நேரத்திலும் நீங்கள் ஒரு புன்சிரிப்பை வெளிக்காட்டவும், கடிப்பதற்கும், மெல்லுவதற்கும் எளிதாக இருக்கும்.

ரூட் கேனால் சிகிச்சை மேற்கொள்வதால் இயற்கையாக பற்களை பாதுகாத்து கொள்வதோடு உங்களுக்கு மேலும் பல நன்மைகள் கிடைக்கின்றன:

1.உணவை எளிதாக மென்று உண்ணலாம்.
2.இயல்பான கடிக்கும் தன்மை மற்றும் உணர்வு திறன்.
3.பற்களில் இயற்கை தோற்றம்.
4.அதிகப்படியான சிதைவுகள் அல்லது பாதிப்புகளில் இருந்து மற்ற பற்களைப் பாதுகாக்கலாம்.

ரூட் கேனால் சிகிச்சை பற்றி மேலும் தெரிந்து கொள்ள வேண்டிய விஷயங்கள்.

ரூட் கேனால் சிகிச்சை எண்டோடோன்டிக் சிகிச்சை என்றும் அழைக்கப்படுகிறது. இது கைதேர்ந்த எண்டோடோன்டிக் நிபுணரால் மேற்கொள்ளப்படும் ஒரு தீவிரமான செயல்முறையாகும். இந்த சிகிச்சையில் ஈடுபடுவதற்கு முன், ரூட் கேனால் பற்றிய உண்மைகளை அறிந்து கொள்ள வேண்டியது அவசியம்.

• ரூட் கேனால் சிகிச்சை மேற்கொள்ளும் போது நமக்கு அசெளகரியங்கள் ஏற்படுமா?

இந்த சிகிச்சை முறைகளை மேற்கொள்ளும் போது நோயாளிகளுக்கு மயக்க மருந்து கொடுக்கப்படுவதால், ரூட் கேனால் ஒரு வழக்கமான பல் சிகிச்சையை நடைமுறையை போல அதிக வலி ஏற்படுத்தாது என்பதே உண்மை. அதாவது பல் அடைத்தல், அல்லது பல் அகற்றுதல் செய்வதை விட இந்த ரூட் கேனால் செய்யும் போது வலி குறைவாகவே இருக்கும். இருப்பினும் இந்த சிகிச்சையை மேற்கொண்ட சிறிது நாட்களுக்கு சிறிய புண் ஏற்படவும், உணர்ச்சியில்லாமல் இருக்கவும் வாய்புள்ளது. இதனால் நோயாளிகளுக்கு சில அசெளகரியங்கள் ஏற்படலாம்.

• உங்களுக்கு ரூட் கேனால் சிகிச்சை தேவை என்பதை எப்படி தெரிந்து கொள்ளலாம்?

பற்களில் சிதைவுகள் அல்லது குழிகள் ஏற்படுதல், முந்தைய பல் நிரப்புதலினால் சரியாகாத பற்களுக்கு ரூட் கேனால் சிகிச்சை தேவைப்படுகின்றது. நமது பற்களுக்கு பொதுவாக கூச்சம் இருக்கலாம். குளிர்ந்த அல்லது சூடான உணவுகளை நாம் எடுத்துக் கொள்ளும் போது இந்த பல் கூச்சம் அதிகமாக இருந்தால் ரூட் கேனால் சிகிச்சை எடுத்துக் கொள்வது நல்லது.

• ரூட் கேனால் சிகிச்சை தேவை என்பதை காட்டும் சில அறிகுறிகள்.

1. மெல்லும் போது அல்லது கடிக்கும் போது கடுமையான வலி
2.ஈறுகளில் வீக்கம்
3.பற்களில் சிதைவு அல்லது விரிசல்
4. அதிகப்படியான பல் கூச்சம்
5.ஈறுகளின் ஆழமான சிதைவு அல்லது கருமை நிற தோற்றம்.

• ரூட் கேனால் சிகிச்சை மேற்கொண்ட பிறகு அன்றாட பணிகளில் ஈடுபடலாமா?

இந்த சிகிச்சை முறையின் நடைமுறையைப் பின்பற்றி நீங்கள் இரண்டு முதல் நான்கு மணிநேரம் உணர்ச்சியற்றவராக இருக்க வாய்புள்ளது என்றாலும், பெரும்பாலான நோயாளிகள் ரூட் கேனால் சிகிச்சை முடிந்தவுடன் நேரடியாக அன்றாட வேலைகளில் எளிதாக ஈடுபடுகிறார்கள் என்பதே உண்மை. இருப்பினும், உணர்ச்சியற்ற தன்மை முற்றிலுமாக நீங்கும் வரை சாப்பிடாமல் இருக்க வேண்டியது அவசியம்.

• ரூட் கேனால் சிகிச்சை மேற்கொள்ளஆகும் செலவு?

உங்களுக்கு பற்களில் ஏற்பட்டுள்ள பாதிப்பை பொறுத்தே செலவுகளும் மாறுபடும். மோலர் பற்களுக்கு சிகிச்சையளிப்பது மிகவும் கடினம் என்பதால் அதற்குரிய கட்டணமும் பொதுவாக அதிகம்.

பொதுவாக, பற்களைப் பிரித்தெடுப்பதற்கான முறையைக் காட்டிலும் எண்டோடோன்டிக் சிகிச்சை சிறப்பானதாக இருக்கும். மேலும் பற்களை அகற்றி செயற்கை பற்களை நிறுவுவதைவிட, இயற்கையாக பற்களை குறைந்த செலவில் மீட்டெடுத்து விடலாம். மெல்லும் செயல்பாட்டை மீட்டெடுக்கவும், அருகிலுள்ள பற்களின் அமைப்பு மாறுவதைத் தடுக்கவும் பிரித்தெடுக்கப்பட்ட பல்லை ஒரு உள்வைப்பு பல் அல்லது பாலத்துடன் மாற்ற வேண்டும். இந்த நடைமுறைகளை மேற்கொள்ள எண்டோடோன்டிக் சிகிச்சையை காட்டிலும் மிக அதிகமாகவே செலவாகும்.

மேலும் வாசிக்க : பல் எனாமல் பாதிப்பு.