மென்மையான முறையில் அறுவை சிகிச்சைக்கு ஒரு நோயாளியை உட்படுத்த சில உபகரணங்கள் உள்ளன. சில நேரங்களில் இவற்றை பயன்படுத்த நாம் மறந்துவிடலாம். எனவே பயன்படுத்த வேண்டிய உபகரணங்கள் பற்றிய ஒரு சரிபார்ப்பு பட்டியலுடன் நாம் தயாராவது எப்போதும் சிறப்பானதாக இருக்கும். மருத்துவமனையிலோ அல்லது வீட்டிலோ எங்கு இருந்தாலும் “ஸ்லிப்-ஆன் ஷூக்கள்” பாதணிகளாக அணிவது பாதுகாப்பாக இருக்கும். அறுவை சிகிச்சைக்குப் பிறகு ஒரு நோயாளி சிறிது சிறிதாக அசைவு கொடுத்து தான் நடக்க வேண்டும் என அறுவை சிகிச்சை நிபுணர்கள் கூறுகிறார்கள். எனவே இந்த ஸ்லிப்-ஆன் ஷூக்களை அணிவதனால் அதிகமான அழுத்தம் இன்றி மென்மையாக நடக்க முடியும், மேலும் குனிந்து, நிமிர்ந்து ஷூக்களை இழுப்பது, கயிறு கட்டுவது, போன்ற சிரமமான செயல்களை தவிர்க்க முடியும்.

அறுவை சிகிச்சையில் இருந்து மீண்டு வருவதற்கான முதல் படி:

நோயாளி தன் உடம்பில் நீர்ச்சத்தை பெருக்கிக்கொள்ள வேண்டியது அவசியம். அறுவை சிகிச்சை முடிந்த நோயாளி, அதிக அளவு மருந்துகளை உட்கொண்டு இருப்பதால், உடலில் ஏற்படும் ரசாயன மாற்றங்களை சமநிலையில் வைத்திருக்க போதுமான குடிநீர் அருந்த வேண்டும். இதற்காக எப்போதும் ஒரு ஸ்போர்ட்ஸ் வாட்டர் பாட்டிலில் தண்ணீரை உடன் எடுத்துச்செல்ல வேண்டியது அவசியம். இந்த ஸ்போர்ட்ஸ் வாட்டர் பாட்டிலை பயன்படுத்தும்போது அதிக அளவில் குனிந்து நிமிர்ந்து தண்ணீர் அருந்த வேண்டியது தவிர்க்கப்படும். அதுபோல படுக்கையில் படுத்திருக்கும் போதும், சாய்ந்திருக்கும் போதும், சிரமமின்றி தண்ணீர் அருந்துவதற்கு ஸ்கர்ட் டாப் பாட்டில்கள் மிகவும் உபயோகமாக இருக்கும். இந்த ஸ்கர்ட் டாப் பாட்டில்களை நாம் பயன்படுத்துவதால் தண்ணீர் அருந்தும் போது நம் உடலில் எதிர்பாராமல் தண்ணீர் கொட்டுவதும் தவிர்க்கப்படும். அறுவை சிகிச்சைக்குப் பின்னர் நோயாளி அதிக அளவில் மருந்துகளை உட்கொள்வதால் அவரது உடலில் பல வேதியியல் மாற்றங்கள் ஏற்படலாம். இதனால் மலச்சிக்கல் ஏற்பட வாய்ப்பு உண்டு. அத்தகைய சிரமங்களை தவிர்க்க, நோயாளிகள் மருத்துவர்களை கலந்து ஆலோசித்து அதற்குரிய மருந்துகளை எடுத்துக் கொள்ள வேண்டியது அவசியம்.

கருத்தில் கொள்ள வேண்டிய தூய்மை மற்றும் ஆசுவாச உபகரணங்கள்:

இந்தியாவின் தலைசிறந்த முதுகெலும்பு அறுவை சிகிச்சை நிபுணர் ஒரு மருத்துவமனையில் இருக்கவேண்டிய தூய்மை உபகரணங்கள் பற்றி குறிப்பிடுகிறார். அதில் மருத்துவமனையில் இருக்க வேண்டிய தூய்மை உபகரணங்கள் பற்றிய சரிபார்ப்பு பட்டியலில் குளிக்கும் சோப்பு, பல் துலக்கும் பிரஷ், பற்பசை, போன்ற அன்றாட உபயோகிக்க கூடிய பொருட்களை சேர்க்க வேண்டியது அவசியம் என்கிறார். மருத்துவமனைக்குள் இருக்கும் வறண்ட சூழ்நிலையை சரி செய்ய மாய்ஸ்சுரைசர் , லிப் பாம், நாசில் ஸ்பிரே இருக்க வேண்டும். அறுவைசிகிச்சை முடிந்த பின்னர் சில நாட்களுக்கு, குளிப்பதற்கு சிரமமாக இருக்கும். எனவே உடல் துடைப்பான்கள் வைத்துக்கொள்வது நல்லது. அதுபோல படுக்கையில் இருந்தவாரே, சிரமமின்றி கைகளைக் கழுவ உதவும் கை சுத்திகரிப்பான் இருப்பதும் பயனுள்ளதாக இருக்கும்.

மேலும் நினைவில் கொள்ளவேண்டிய குறிப்புகள்:

மருத்துவமனையில் சிகிச்சைக்காக நோயாளி தங்கும் நாட்கள் நீட்டிக்கப்பட வாய்ப்பு உள்ளது. மேலும் தற்போது மருத்துவமனையில் பெரும்பாலும் குளிர்சாதன உபகரணங்கள் பயன்படுத்தப்படுகின்றன. எனவே குளிரிலிருந்து பாதுகாத்துக் கொள்ள தேவையான ஃபுட் க்ரீம், காது அடைப்பான், கூடுதல் தலையணைகள், சொட்டர், காலுறைகள் ஆகியவற்றை எடுத்துக் கொள்வது பயனுள்ளதாக இருக்கும்.

மேலும் வாசிக்க : உங்கள் முதுகெலும்பு அறுவை சிகிச்சை நிபுணரை எளிதாக தேர்வு செய்யும் வழி